Институт развития электроэнергетики и энергосбережения

Ағымдағы жылғы 12 ақпанда Өскемен қаласында Шығыс қазақстан облысы әкімінің орынбасары С.Қ. Ақтановтың төрағалығымен «Электр энергетикасын дамыту және энергия үнемдеу институты» АҚ (бұдан әрі-Институт) өкілдерінің қатысуымен энергия үнемдеу және энергия тиімділігін арттыру мемлекеттік саясатын іске асыру мәселелері бойынша семинар-кеңес өтті.

Кеңестің негізгі аудиториясын ШҚО қалалары мен аудандарының әкімдері, облыс әкімдігі басқармаларының, ірі өнеркәсіптік кәсіпорындардың басшылары және Шығыс қазақстан облысы бойынша Мемлекеттік энергетикалық тізілім субъектілері құрады.

Жиын барысында облыстық энергетика және тұрғын үй-коммуналдық шаруашылық басқармасының басшысы М.Х. Мұсатаев өңірдегі энергия үнемдеу жөніндегі іс-шаралардың орындалуының ағымдағы жағдайы туралы баяндама жасады. Институт атынан МЭТ қалыптастыру және жүргізу мәселелері бойынша Мемлекеттік энергетикалық тізілім орталығының директоры А.А. Қабыкенов, сондай-ақ халық арасында энергия үнемдеу саласындағы ақпараттық хабардарлықты арттыру мәселелері бойынша халықаралық ынтымақтастық орталығының директоры Ж.С. Ахметов сөз сөйледі.

Еске сала кетейік, жоғарыда аталған іс-шараға бір күн қалғанда облыс әкімінің қатысуымен энергия үнемдеу мәселелері бойынша кеңейтілген кеңес өтті. Кеңес қорытындысы бойынша С.К. Ақтанов облыстың энергия тиімділігін арттыру бойынша бірқатар нақты тапсырмалар берді, Мемлекет Басшысының тапсырмаларын іске асыру бойынша облыстық басқармалар басшыларының, қалалар мен аудандар әкімдерінің алдына міндеттер қойды, МЭТ субъектілерінің басшыларын кәсіпорындардың энергия тиімділігін арттыру бойынша жұмысты жандандыруға шақырды.